0
0
Hol ie van kunst en cultuur én van de Drentse taol? Dan is ’t boekie 100 x Kunst op zien Drents misschien wel wat veur oe. Doarin stoan honderd veurwarpen uut de collectie van ’t Drents Museum, mit doarbij de Drentse naam.
Tekst: Evert-Jan Pol
Conservator Annemiek Rens van ’t museum bedacht ’t boek. “Ik zag in een winkel de boekies 101 x Kunst op z’n Grunnigs van ’t Grunniger Museum en 111 x Keunst op syn Frysk van Museum Belvédère en ik dacht: dat mutten we in Drenthe ook hebben”, vertelt ze an Dagblad van het Noorden. Huus van de Taol, een organisatie die zich inzet veur de Drentse taol, wou wel hölpen bij ’t uutgeven ervan. Rens keus veur honderd stokken, want 101 en 111 vund ze maar rare tallen.
In ’t boek staon honderd foeto’s van veurwarpen; van sieraoden tot meubels en van schilderijen tot keramiek. ’t Museum wöl daormit laoten zien hoe divars de verzaomeling is. ’t Museum hef naost kunst ook veul aandacht veur geschiedenis. Bij elk plaatie stiet een Drents woord dat te maken hef mit ’t veurwarp. Bij een foeto van het Meisje van Yde stiet bijveurbeeld wichie. Een vrouw op een schilderij van Matthijs Röling is naokend. En een kubistsisch wark van Jan Sluijters is beheurlijk neimoods. ’t Zou goed kunnen dat de teksten eschreven bint an een schriefbero.
Veur wie gien Drents kan verstaon, staon onder de Drentse woorden de vertalingen in het Nederlands, Engels, Frans, Duuts en Chinees. Buutenlaandse bezukers van ’t museum hebben er dus ook wat an. En die kunnen dan dus ook een beetie Drents leren. Renate Snoeijing, directeur van Huus van de Taol: “Ik bin slim wies mit hoe as kunst en taol samenkomt in dit schiere boek”.
100 X Kunst op zien Drents is een uutgave van Uitgeverij Koninklijke Van Gorcum en kost € 10.
Lees ook: Kunst op zijn Drents
